سرکاری ملازمین کیلئے ایڈوانس تنخواہ کی بڑی خوشخبری آگئی

کرسمس پر تمام سرکاری ملازمین اور پنشنرز کو تنخواہ 20 دسمبر کو جاری کردی جائے گی، وزارت خزانہ کا مراسلہ جاری

عیسائی کمیونٹی کے سرکاری ملازمین کیلئے ایڈوانس تنخواہ کی بڑی خوشخبری آگئی، وزارت خزانہ نے نوٹیفکیشن جاری کیا ہے کہ جس کے تحت کرسمس پر تمام سرکاری ملازمین اور پنشنرز کو تنخواہ 20 دسمبر کو جاری کردی جائے گی۔ میڈیا رپورٹس کے مطابق کرسمس پر عیسائی کمیونٹی کے سرکاری ملازمین کو دسمبر کی تنخواہ ایڈوانس دینے کا فیصلہ کرلیا گیا۔ وزارت خزانہ نے مراسلہ جاری کرتے ہوئے کہا کہ تمام وفاقی سرکاری ملازمین اور پنشنرز کو تنخواہ 20 دسمبر کو جاری کی جائے، اکاؤنٹ جنرل پاکستان ریونیوز، ملٹری اکاونٹنٹ جنرل کو ہدایات جاری کی گئیں ۔ ورزارت خزانہ کے مطابق وزارت خارجہ کے چیف اکاونٹس آفیسر کو بھی آگاہ کر دیا گیا، متعلقہ ملازمین کو تنخواہ، الاونسز اور پینشن قبل از وقت ادا کی جائے گی۔

مزید برآں صوبائی حکومتوں نے بھی کرسمس کے موقع پر عیسائی کمیونٹی کے سرکاری ملازمین کو ایڈوانس تنخواہیں جاری کرنے کا فیصلہ کیا ہے۔ اسی طرح  پرنسپل لاہور جنرل ہسپتال پروفیسر ڈاکٹر سردار محمد الفرید ظفر نے کرسمس کی مناسبت سے تمام مسیحی ملازمین کو رواں ماہ کی تنخواہ 20 دسمبر کو ادا کرنے کا اعلان کر دیا ،جس کے لئے ڈائریکٹر فنانس کو ضروری احکامات جاری کر دیے ہیں۔

ْ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے