دہی کے ان گنت فوائد جان کر آپ حیران رہ جائیں گے

(ویب ڈیسک) تندرستی ہزار نعمت ہے بہتر صحت کے لئے متوازن غذا کا استعمال بہت ضروری ہے۔

طبی ماہرین دہی کو صحت کے لیے ایک خزانہ قرار دیتے ہیں جس کے استعمال سے انسانی مجموعی صحت پر اَن گنت طبی فوائد حاصل ہوتے ہیں۔ دہی غذائیت سے بھرپور ، پروٹین اور کیلشیم کا ایک حیرت انگیز ذریعہ ہے۔

 غذائی ماہرین کے مطابق جو افراد اپنا مطلوبہ صحت مندانہ وزن برقرار رکھنا چاہتے ہیں انہیں روزانہ ایک کپ دہی لازمی کھانا چاہیے اور جو افراد ورزش کرتے ہیں اُن کے متاثرہ پٹھوں کے علاج اور نشونما کے لیے دہی نہایت لازم غذا ہے۔

دہی کا باقاعدہ استعمال ہمارے مدافعتی نظام کو بڑھاتا ہے اور ہمارے جسم کو مختلف قسم کے انفیکشن سے بچاتا ہے، دہی معدے کے انفیکشن، سانس کے مسائل جیسے عام نزلہ، زکام اور یہاں تک کہ کینسر کے خلاف مؤثر طریقے سے لڑتا ہے، دہی میں پائے جانے والے میگنیشیم، سیلینیم اور زنک بھی قوت مدافعت کو بہتر بناتے ہیں۔

دہی کیلشیم کا ایک بھرپور ذریعہ ہے، اس طرح یہ ہڈیوں کی صحت کو بہتر بنانے کے لیے ایک اہم غذا ہے۔ دہی کا باقاعدہ استعمال ہڈیوں کی طاقت کو محفوظ رکھتا ہے اور یہ فریکچر اور آسٹیوپوروسس کے خطرے کو کم کرتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے