TOMCLپاکستان کی پہلی کمپنی جس نے پالتو جانوروں کی خوراک یورپ کو برآمد کرنا شروع کردی

کراچی(لائیوسٹاک پاکستان) آرگینک میٹ کمپنی لمیٹڈ (TOMCL ) حلال گوشت اور اس سے منسلک مصنوعات کی پروسیسنگ، فروخت اور برآمد میں مصروف ہے۔ پچھلے سال TOMCL نے یورپ اور امریکہ کو پالتو جانوروں کی خوراک برآمد کرنے کے لئے ایک ملین ڈالرکے معاہدے حاصل کئے، پاکستان سے پہلی کمپنی بن گئی جس نے کامیابی کے ساتھ یورپ کو پالتو جانوروں کی خوراک برآمد کی، اور اس سے قبل اسے یو ایس اے کی مارکیٹ میں برآمد کرنے میں بھی پیش پیش تھی۔ گزشتہ ماہ کمپنی نے کینیڈا کو پالتو جانوروں کی خوراک اور ازبکستان کو گوشت کی مصنوعات برآمد کرنے کے معاہدے حاصل کئے تھے۔

مشرق وسطیٰ کے ممالک TOMCLs کی بڑی برآمدی منڈی ہیں۔ تاہم، کمپنی نے پالتو جانوروں کے کھانے کے خام مال کو اپنے پورٹ فولیو میں شامل کیا ہے، جس کی وجہ سے وہ اب امریکہ اور یورپ کو بھی برآمد کر سکتا ہے۔ کمپنی کا مشرق بعید، آزاد ریاستوں کی دولت مشترکہ اور جنوبی ایشیائی منڈیوں میں بھی اہم کاروبار ہے۔ یہ ویکیوم پیکڈ تازہ گائے کے گوشت کی برآمد شروع کرنے والی پہلی پاکستانی کمپنی ہونے کا دعویٰ بھی کرتی ہے اور خطے کی واحد کمپنی ہے جس کے پاس مٹن اور چوتھائی گائے کے گوشت کو ویکیوم پیک یا بلاسٹ فریز کرنے کی ٹیکنالوجی ہے۔