آئی ایس او کے ماہرین کی زیرنگرانی محکمانہ افسران کو تربیت فراہم کرنے کے لیے دو روزہ تربیتی ورکشاپ
بیماریوں کی تشخیص بین الاقوامی معیار کے مطابق کرنا ہمارا عزم ہے سیکرٹری لائیوسٹاک محمد مسعود انور
تمام ڈویر نقل تشخیصی لیبارٹریز کی آئی ایس او سرٹیفکیشن وایکریڈیٹیشن بارے محکمانہ افسران کے لیے دوروزہ تربیتی ورکشاپ کا انعقاد
لاہور (لائیوسٹاک پاکستان) صوبائی تشخیصی لیبارٹری میں آئی ایس اوسر ٹیفکیشن و ایکریڈیٹیشن بارے دوروزہ تربیتی ورکشاپ کا انعقاد کیا گیا۔ تفصیلات کے مطابق پنجاب بھر میں ڈویہ تل تشخیصی لیبارٹریز کو بین الاقوامی معیار کے مطابق سہولیات سے لیس کیا جا رہا ہے۔ اس ضمن میں آئی ایس او کے ماہرین کے زیر نگرانی محکمانہ افسران کو تربیت فراہم کرنے کے لیے دو روزہ تربیتی ورکشاپ منعقد کی گئی۔
اس تربیتی ورکشاپ میں ڈیزیز انویسٹی گیشن و کنٹرول آفیسرز اور نامی تشخیصی لیبارٹریز میں خدمات سرانجام دینے والے آفیسرز نے شرکت کی۔ سیکرٹری لائیوسٹاک کا اپنے خصوصی پیغام میں کہنا تھا کہ درست تشخیص اور بر وقت علاج و معالجہ سے مویشی پال کے جانوروں کو بیماریوں سے محفوظ بنایا جا سکتا ہے۔ لہذا بیماریوں کی تشخیص بین الاقوامی معیار کے مطابق کرنا ہمارا عزم ہے۔ آئی ایس او کے متعین کردہ اصول وضوابط پر عمل کرتے ہوئے شعبہ لائیوسٹاک میں خدمات بہتر طریقے سے سرانجام دینے میں مدد ملے گی۔ اس ضمن میں تشخیصی لیبارٹریز کی آئی ایس اوسر ٹیفکیشن و ایکریڈیٹیشن کے تمام مراحل کو جلد از جلد مکمل کیا جائے گا۔
اُن کا کہنا تھا کہ آئی ایس اوسرٹیفکیشن کی کامیابی سے سرانجام دہی کے لیے تربیتی ورکشاپ خصوصی اہمیت کی حامل ہے۔ تربیتی ورکشاپ سے عملہ کی تکنیکی استعداد کار اور لیبارٹری مینجمنٹ میں بہتری مقصود ہے نیز بیماریوں کی بین الاقوامی معیار کے مطابق تشخیص سے مویشی پال کے جانوروں کو بیماریوں سے محفوظ بنایا جا سکے گا۔ جس سے دودھ اور گوشت کی پیداوار میں اضافہ ممکن ہے۔ تربیتی ورکشاپ میں ڈائریکٹر اینیمل ڈیزیز ڈائیگناسٹک ریپورٹنگ اینڈ سرویلنس ڈاکٹر اعظم علی ناصر اور دیگر افسران نے بھی شرکت کی۔
