نگران وزیراعلیٰ کی زیرصدارت محکمہ زراعت و لائیوسٹاک کا اجلاس

سربراہان فنڈز کی ضرورت کی ترجیحات کا تعین کریں ، سمال ڈیمز تعمیر ماہی پروری کیلئے نجی اداروں کیسا تھ اشتراک پر توجہ دی جائے

کو آپریٹو شعبہ کی بحالی لائیو سٹاک ادویات تیاری کیلئے الگ ریگولیٹری اتھارٹی قائم کی جائے اجلاس سے خطاب ‘بریفنگ دی گئی

پشاور (لائیوسٹاک پاکستان) نگران وزیر اعلیٰ خیبر پختو نخوا محمد اعظم خان کی زیر صدارت محکمہ ہائے زراعت اور لائیو سٹاک کا اجلاس ہوا نگران صوبائی وزیر زراعت عبدالحلیم قصور یہ ، وزیر اعلیٰ کے پرنسپل سیکر ٹری امجد علی خان، سیکر ٹری زراعت اسرار خان ، سیکر ٹری لائیو سٹاک مختیار احمد اور دیگر متعلقہ حکام نے شرکت کی۔ اجلاس میں بتایا گیا کہ موجودہ صورتحال میں ترقیاتی فنڈز منجمد ہونے کی وجہ سے ان محکموں کی بعض ٹائم باؤنڈ سرگرمیاں رکی ہوئی ہیں ان سرگرمیوں کیلئے بر وقت فنڈز جاری نہ ہونے کی صورت میں زرعی پیداوار متاثر ہو سکتی ہے۔

نگران وزیر اعلی محمد اعظم خان نے زراعت اور لائیوسٹاک کے شعبے کو معیشت کے استحکام کیلئے ایک انتہائی اہمیت کا حامل شعبہ قرار دیا ہے اور کہا ہے کہ زراعت اور لائیو سٹاک کے شعبے کو در پیش مسائل کو ترجیحی بنیادوں پر حل کرنے کی ہر ممکن کوشش کی جائے گی۔ انہوں نے محکمہ زراعت ولائیو سٹاک کے سربراہان کو ہدایت کی ہے کہ وہ موجودہ صورتحال میں فنڈز کی ضرورت کے حوالے سے اپنی اہم ترجیحات کا تعین کریں۔ وزیر اعلیٰ نے زراعت اور لائیو سٹاک کے شعبے میں جدید تحقیق اور ٹیکنالوجی کے استعمال پر خصوصی توجہ دینے اور ان شعبوں میں ہونے والی تحقیق کے فوائد کسانوں تک پہنچانے کی ہدایت بھی کی

انہوں نے کہا ہے کہ اس مقصد کیلئے تحقیقی اداروں ،ا کیڈیمیہ اور صوبے کے کسانوں کے درمیان موثر روابط استوار کئے جائیں۔ اعظم خان نے صوبے میں سمال ڈیمز کی تعمیر ، ماہی پروری اور دیگر سرگرمیوں کو موثر انداز میں چلانے کیلئے نجی اداروں کے ساتھ اشتراک کار پر توجہ دینے اور کو آپریٹو کے شعبے کی بحالی کے احکامات کے حوالے سے تجاویز تیار کرنے کی ہدایت کی۔ وزیر اعلیٰ نے صوبے میں لائیو سٹاک کی ادویات کی تیاری کیلئے ڈرگ ریگولیٹری اتھارٹی آپ پاکستان کی طرز پر ایک الگ ریگولیٹری اتھارٹی کے قیام کیلئے کیس تیار کرنے کی بھی ہدایت کی ہے۔