پنجاب ،گندم کی قیمت 4ہزار روپے من مقرر کرنیکی سفارش

لاہور(لائیوسٹاک پاکستان) محکمہ خوراک پنجاب نے صوبے میں گندم کی امدادی قیمت 4 ہزار روپے من مقرر کرنیکی سفارش کردی، محکمہ خوراک پنجاب نے سندھ حکومت کی طرز پر 4000 روپے فی من قیمت مقرر کرنے کی سفارش کی ہے۔

پنجاب میں اس سال نئے سیزن میں 35 سے 45 لاکھ میٹرک ٹن گندم کی خریداری کا ہدف مقرر کیا جائے گا ، 4000 روپے من قیمت ہونے کی صورت میں گندم خریداری پر 352 سے 452 ارب روپے کے اخراجات کا تخمینہ ہے  ،صوبے میں اگر گندم کی امدادی قیمت 3500 روپے فی من مقرر کرکے 35 سے 45 لاکھ ٹن گندم کی خریداری کی جاتی ہے تو 308 سے 396 ارب روپے کا تخمینہ ہے ،گندم کی امدادی قیمت میں اضافے سے اجرا کی پالیسی اور نرخوں پر بھی نظر ثانی کی جائے گی ۔گندم پر بنائی گئی قائمہ کمیٹی مزید سفارشات حکومت کو پیش کرے گی۔